የባለሥልጣን መስሪያቤቱን የዘጠኝ ወራት አፈፃፀም የሚቃኝ ሱፐርቪዥን እየተካሄደ ነው

በአዲስ አበባ ከተማ አስተዳደር ምክር ቤት የመሰረተ ልማትና የትራንስፖርት ጉዳዮች ቋሚ ኮሚቴ በአዲስ አበባ ከተማ መንገዶች ባለስልጣን ድጋፍና ክትትል በማካሄድ ላይ ይገኛል፡፡

የሱፐርቪዥንና የመስክ ጉብኝት መርሃ ግብሩ ከግንቦት 5 ቀን 2016 ዓ.ም የጀመሮ እየተካሄደ የሚገኝ ሲሆን፣ እስከ ግንቦት 13 ድረስ የሚቀጥል ይሆናል፡፡

መርሃ ግብሩ የባለስልጣን መስሪያ ቤቱን የቢሮ አደረጃጀትና የአገልግሎት አሰጣጥ፣ የግንባታ ግብአት ማምረቻ ሳይቶችን ጨምሮ የተመረጡ የመንገድ ፕሮጀክቶችን እና የኮሪደር ልማት የስራ እንቅስቃሴዎችን በመቃኘት ድጋፍና ክትትል ለማድረግ ያለመ ነው፡፡

የቋሚ ኮሚቴው አባላት በእስከ አሁኑ ሂደት የባለሥልጣን መስሪያቤቱን አደረጃጀትና አገልግሎት አሰጣጥ የተመለከቱ ሲሆን፣ በተጨማሪም የመንገድ ማሻሻያ ፕሮጀክቶችን አፈፃፀም በመስክ ተገኝተው ተመልክተዋል።

በቀሪዎቹ ቀናትም የቋሚ ኮሚቴው ተጨማሪ የመንገድ ፕሮጀክቶችን እና የባለስልጣን መስሪያቤቱን የ9 ወራት አጠቃላይ የስራ አፈፃፀም በመመልከት ግብረ-መልስ እንደሚሰጥ ይጠበቃል።

የአዲስ አበባ ከተማ መንገዶች ባለሥልጣን ማህበራዊ ትስስር ገፆችን ይቀላቀሉ

ፌስ ቡክ :- https://www.facebook.com/AbabaCity

ቴሌግራም:- https://t.me/AddisRoads

ትዊተር :- https://twitter.com/AbabaCity

ኢንስታግራም፡- https://www.instagram.com/addisababaroads/

ዩቱዩብ፡- https://www.youtube.com/@addisababacityroadsauthori1369

ቲክቶክ፡- https://www.tiktok.com/@addisababaroads