ባለስልጣኑ በ2015 በጀት ዓመት ባስመዘገበው የላቀ አፈፃፀም ሽልማት ተበረከተለት

አዲስ አበባ፣ጥቅምት 23 ቀን 2016 ዓ.ም፡- የአዲስ አበባ ከተማ መንገዶች ባለስልጣን በ2015 በጀት ዓመት ባስመዘገበው የላቀ አፈፃፀም ከከተማ አስተዳደሩ እውቅና እና ሽልማት ተበርክቶለታል፡፡

ባለስልጣኑ በከተማ አስተዳደሩ ስር ከሚገኙ የካቢኔ አባል ካልሆኑ ሴክተር መስሪያ ቤቶች 1ኛ በመውጣቱ በአዲስ አበባ ከተማ አስተዳደር ክብርት ከንቲባ ወ/ሮ አዳነች አበቤ የመኪና እና የምስጋና የምስክር ወረቀት ተሰጥቶታል፡፡

ክብርት ከንቲባ ወ/ሮ አዳነች አበቤ በ2015 በጀት ዓመት አንፃራዊ የተሻለ አፈፃፀምና ውጤት ላስመዘገቡ ክ/ከተሞች፣ ሴክተር መስሪያ ቤቶች እና ካቢኔዎች ለማበረታቻ እንዲሆን መኪና ሸልመናል ብለዋል፡፡

ክብርት ከንቲባዋ አክለውም ሽልማቱ በባለፈው የበጀት ዓመት ከሌሎች ጋር ሲነፃፀር ዝቅተኛ አፈፃፀም ላስመዘገቡት ይበልጥ ትኩረት ሰጥተው እንዲሰሩ ቁጭት እንደሚፈጥር አምናለሁም ብለዋል::

የባለስልጣኑ ዋና ዳይሬክተር ኢንጂነር ሞገስ ጥበቡ በበኩላቸው ለእውቅናና ሽልማቱ መገኘት ሁሉም የባለስልጣን መስሪያ ቤቱ አመራርና ሠራተኞች ደከመኝ ሰለቸኝ ሳይሉ ቀንና ሌሊት ባስመዘገቡት ጠንካራ የስራ ውጤት መሆኑን ገልፀዋል፡፡

ዋና ዳይሬክተሩ አያይዘውም በቀጣይም ጊዜያትም የመንገድ መሰረተ ልማቶችን በጥራት እና በፍጥነት በመገንባት የህብረተሰቡን የኑሮ ዘይቤ መቀየራችንን አጠናክረን እናስቀጥላለን ብለዋል፡፡

የአዲስ አበባ ከተማ መንገዶች ማህበራዊ ትስስር ገፆችን ይቀላቀሉ:-

ቴሌግራም:- https://t.me/AddisRoads

ፌስ ቡክ :- https://www.facebook.com/AbabaCity

ትዊተር :- https://twitter.com/AbabaCity

ኢንስታግራም፡- https://www.instagram.com/addisababaroads/